Kristen Erikson Bruntveit

Dei overtok bruket i 1638. Det kan ha vore same Kristen som kring 1640 var nemnt på Søreid, og Agate var kanskje syster til lensmannen Jens Søreid. Men dei kan sjølvsagt ha budd berre ein av stadane. Kristen var mellom dei leiande og økonomisk sterke mennene i Tysnes prestegjeld. Han var mykje nytta som lagrettemann, til ut i 1660-åra. I byrjinga av 1660-åra skatta han av Siglevik, tvers over fjorden, i tillegg til hans eigen gard. Han sa opp halve jorda for sonen Anders i 1670. Han vart nemnt siste gong i 1675, då som militær legdsmann.

Kristen hadde not saman med versonen Ibbe Hope i 1660-åra. Sumaren 1664 hogde han tømmer i Bruntveitsmarkjo og selde til skottane for 4 mark og 4 skilling.