Louis Gustavus Triegaardt, b2c4d4

Louis Gustavus Tregardt 11/11/1826 - 5/6/1892 was die jongste seun van die bekende Voortrekkerleier en dagboeksrywer, Louis Tregardt (10/8/1783 - 525/10/1838) en Martha Susanna Bouwer (20/10/1795 - 1/5/1838. Sy van word as Triegaardt op sy grafsteen aangegee. Louis verlaat op 9 jarige ouderdom in September 1835 saam met sy pa van die plase Plathuis enElizabeth, wyk Oos Rietrivier Somerset in die Kaap na die binneland. Tydens die verblyf in Delgoabaai tref malaria die geselskap en albei sy ouers sterf. Louis vertrek met die skip Mazeppa na Port Natal as 12 jarige. JH de Lange - Jan Dons - is as agent aangestel om na die jonger kinders Petrus Frederik, Louis Gustavus en Anna Elizabeth om te sien. In 1841 stel landrdroa Boshoff Willem Adriaan van Aaardt en die oudste seun Carolus Rtegardt aan as gesamentlike voogde van die kinders. Carolus vertrek egter met sy vrou en kinders na die Transvaal. Louis Gustavus is toe deur sy oom Willem van Aardt in Pietermaritzburg grootgemaak. BRON. Voortrekkerbegraafplaaas bladsy 15 Baken 10 deur Louis J Eksteen

d4 Louis Gustavus * 2.4.1827 † Pietermaritzburg 5.6.1891 x Pietermaritzburg 25.6.1849 Christina Maria Magdalena VAN DER WESTHUIZEN * c. 1831

Notas deur David Abraham Swanepoel

Preller se weergawe van Louis Tregardt se dagboek toon ‘n tegniese telling van 28 vermeldings onder die spelling Goestaf, en vir ‘n verandering skyn Tregardt daarby te bly, met een uitsondering, Gustaaf. Hy is 11 in 1837 wanneer die meeste dinge gebeur.

Ook sy vermeldings leen hulle nie daarna om ‘n volledige narratief oor sy rol in die trek te skryf nie. Hy gaan egter ook uit op togte en is so vlytig dat hy vir homself en sy broer Jeremi velskoene maak (Don 17 Augustus 1837.) Synde nog nie ‘n tiener nie openbaar hy nie die swak gedrag van sy 2 ouer broers en vele ander van alle sosiale strata en ouderdomme nie. Laat ons hoop dit het so gebly!

Moontlike graf: https://graves-at-eggsa.org/main.php?g2_itemId=3034828. Die besonderhede op die hernuwingsplaat is nie duidelik gestel nie en die inskripsie op die oorspronklike steen onleesbaar. Mens kan net 'n aanname maak synde hy verder in Pietermaritzburg grootgeword het en moontlik die res van sy lewe daar gewoon het. Dis ook in lyn met die kernbesonderhede hierbo wat skynbaar op 'n boek van Eksteen gegrond is.

Bronne:

1. Louis Tregardt se dagboek 1836-1838 - vertaling en aantekeninge deur Jackie Grobler. Litera, 2013.

2. Louis Trigardt; Gustav Schoeman Preller. Dagboek van Louis Trichardt, 1836-1838 Kaapstad : Nasionale Pers, 1938. Ons geskiedenis-serie.

Inligting verskaf as Oop Toegang onderhewig aan lisensie CC BY-NC-ND 4.0 - Creative Commons https://creativecommons.org/licenses/by-nc-nd/4.0/legalcode

Kwytskelding: geen verantwoordelikheid word aanvaar vir enige foutiewe of onakkurate inligting nie, hetsy aangehaal, herverpak of self geskryf.