Margreta Pedersdatter Trane

Skifte 24. oktober 1760

https://www.nose.dk/Norge/trane.html#10

(Irene Røyneberg)

Dei budde på Hå prestegard på Jæren. Dette skal eg finne ut meir om

GEDCOM Note

Han var prest til Bø frå kring 1610, død kring 1640. - R.A. Håland, den kjende ættegranskaren frå Klepp, fortel om Kristen Lind, at han fekk Bø kall i 1612, etter Jon Ellingson, som døde det året. Han var provst over Jæren frå 1623. Den 11.6.1637 fekk han garden Haa for seg og kona så lenge dei levde, og etter deira tid for eit av barna til bustad og bruk. Han flutte frå Bø til Haa i 1637 eller 1638. Han var son til Laurits Kristenson Lind som var prest i Klepp frå 1536. Kristen Lind var gift med Margreta Pedersdtr. Trane, dotter åt Peder Pederson Trane, fut i Sunnhordland, og kona Karine.

GEDCOM Note

GEDCOM Note

<p>Hå I, Haa Prestegard 114.2.</p><p>Skifte 24.10.1670. Dotter til Peder Christenson Trane, sorenskriver og fut i Sunnhordland, og kona Karine. Gift med den andre presten i Hå, Kristen Lauritsson Lind.</p>

GEDCOM Note

"Vi veit at det var Kristen Lauritson Lind og kona Margrethe Pedersdotter Thrane som sette opp dei fyrste prestegardshusa på Hå for private midlar. Presteparet kom truleg til Bø prestegjeld ca. 1610. Det flytte truleg ned til Håca. 1637. Det finst nemleg eit kongebrev frå 1637 som fortel at Lind fekk ha Hå som bustad for seg og kona så lenge dei levde Etterpå kunne eit av barna bu på garden.
Det kan som nemnt vera fleire grunnar til at dei flytte ned til Hå. Dette var ein betre gard enn Bø, og han låg meir sentralt til. Flyttinga kan å ha samanheng med at Njærheim kyrkje vart ombygd eller heilt nybygd i 1620- og 1630-åra. Det vart kanskje bestemt at Njærheim skulle vera hovudkyrkja i prestegjeldet etter dette. Bø kyrkje vart nybygd i 1648-1650. Denne kyrkja brann i 1708.
Eit rettsmøte i 1655 på Hå prestegard, som han vart kalla då, inneheld mange interessante opplysningar om garden og husa der. Det var Margrethe Pedersdotter Thrane som hadde bede om dette møtet. Ho hadde nyleg vorte enkje for andre gong. Etter at Kristen Lauritsson Lind døydde ca. 1640 gifta ho seg med ettermannen hans, Peder Nilsson. Han døydde i 1655. Margrethe måtte då flytja til garden Søyland som nå vart lagt ut til enkjesete. Striden stod ikkjeom sjølve flytjinga, sjølv om denne ikkje var i tråd med kongebrevet frå 1637. Nei. Margrethe ynskte å ta med seg nokre hus til Søyland, for bygningane der var til nedfalls. Ho meinte ho kunne gjera dette, sidan ho og fyrste mannen hennar hadde bygd alle husa som fanst på prestegarden og spandert ein stor del av formuen sin på dette.
Under rettsmøtet kom det fram at i Peder Nilsson si tid på Hå vart det ikkje bygd nye hus på garden, men dei same husa vart flytte og forbetra. Retten gjekk over husa på garden. Vi får ei detaljert utgreiing om roma i hovudbygningen med talet på vindaugo i det enkelte romet, dei andre bygningane på garden vert rekna opp, og det vert opplyst kor store dei var.
Retten konkluderte med at husa var velhaldne og i god stand, og at det ikkje fanst betre hus på Jæren.
Margrethe fekk med seg dei bygningane ho ynskte til Søyland: Ein stovebygning, ca. 6 meter lang, med loft på, dessutan ei lita løe som barna hennar skulle ha etterpå." (Hå gamle prestegard 1637-1989. s. 14-15.)