Mette (Marthe) Bendixdatter Friis

2. Henrik Christenson Lyster, f. 28.2.1637,

Henrik Lyster vart 6.11.1672 ordinert til «viseprest» i Strinda i Sør-Trøndelag.

Han gifte seg kring 1675 med Martha Absalonsdotter Friis, dotter av Absalon Jørgenson Friis, sokneprest til Innvik, og første kona Agneta Pedersdotter. Ho var truleg f. kring 1650.

Huslyden busette seg på garden Hoeggen i Strinda der Henrik d. 18.3.1683. Martha gifte seg att med Jacob Johnson Brun.

Jacob var truleg f. kring 1655 og tok over som viseprest i Strinda då han gifte seg med enkja etter Henrik Lyster.

Jacob d. i Strinda våren 1700; Martha levde då framleis, men d. truleg i Strinda få år etter.

Me veit om tre søner etter Henrik Lyster:

a.Christen Henrikson Lyster, f. i Strinda 16.10.1677, d. i Melhus 12.6.1738. Christen gifte seg første gongen 1.9.1711 med Anna Ebbesdotter Hornemann. Ho var f. i Trondheim 17.2.1693, men d. i barselsengalt 23.5.1713. Christen gifte seg 5.2.1721 att med Dorthea Marie Jensdotter Lemvig, dotter av sokneprest Jens Jensson Lemvig til Klæbu (1668-1741), opphavleg komen frå Fuhr i Luster.

Dorthea var f. i Klæbu kring 1704 og d. på garden Hov i Ørkedalen 17.4.1777.

Christen Lyster vart tilsett som sokneprest til Melhus og budde der levetidi ut.

Dorthea vart som enkje attgift kring 1740 med Ole Larsson Ross frå Trondheim.

Han var f. 22.7.1712 og d. i Ørkedalen 24.2.1775. Ole Ross hadde frå 1736 vore personleg kapellan til Ørkedalen, men tok 7.4.1741 over som sokneprest til Klæbu etter svigerfaren Jens Lemvig.

Så vart han 4.12.1748 utnemnd som sokneprest til Ørkedalen etter halvbroren Tarald Ross, og frå 1756 til 1770 var han likeins prost over Dalarne prosti. Christen Lyster fekk i alt fem born, to frå første ekteskapet og tre med Dorthea Lemvig. Ekteskapet med Ole Ross var barnlaust.

b. Erik Henrikson Lyster, f. i Strinda kring 1680, var gift og budde visstnok som gardbrukar i Strinda. Han fekk fire born, men diverre vantar me førebels fleire opplysningar om denne huslyden.

c. Bendik Henrikson Lyster, f. i Strinda 11.4.1682, d. i Gerlev på Sjælland, Danmark 4.3.1721. Han vart tilsett som kapellan til Gerlev og Dråby på Sjælland, og då soknepresten der fall ifrå i 1914,

vart Bendik sokneprest same staden, ei stilling han hadde levetidi ut.

Han var gift med ei Anna Juel som var f. kring 1672. Ho vart som enkje attgift med Johan Frauen, sokneprest til Gerlev og Dråby etter Bendik Lyster, og d. i Gerlev 29.9.1744.

Bendik og Anna Lyster fekk to søner.

Gards og ettesoge for Luster