Mons Nilsson, Fossmark

HELLE BRUK nr. 3

1744 skøyte til Mons Nilsson 1724-1800, sjå Fossmark bnr. 5. Mons kom til Helle bnr. 1 då mora Magdeli Johannesdtr. vart g. m. Anders Nilsson Helle. Mons og Anders fekk skøyte på Helle 1744. Broren Nils Nilsson fekk overta bnr. 7 med den odelsrett som Mons hadde fått kjøpa 1744. Til vederlag fekk Mons overta ein part i Ytre Songstad i Haus. 1778 fekk Mons utlagt ein part i Dale i skiftet etter Magdeli Johannesdtr. Denne parten skøytte han over til sonen Nils. Sjå nfr. bnr. 1. Nils g. 1.g.m. Gjertrud Tørresdtr. Skreien 1722-1776.

Born:

• Nils 1749-, sjå bnr.1.
• Gjertrud 1752-, g.m.David Andersson Stanghelle, sjå Arna s.576.
• Johannes 1756-1777.
• Johannes 1758-, brukar her.
• Magdeli 1762-, g. m. Nils Johannesson Stanghelle, sjå Stanghelle bnr. 1.

1776 vart det halde skifte etter Gjertrud Tørresdtr. Nettosummen i buet var knapt 180 rdl. Dette bruket var verdsett til 120 rdl. Det vart utlagt med 1/2 til enkjemannen Mons, 1/6 til kvar av sønene Nils og Johannes og 1/12 til døtrene Gjertrud og Magdeli.

Mons g. 2. g. m. Anna Ellingsdtr. I skiftet etter Mons 1800 var nettoen vel 186 rdl.

1784 skøyte til Johannes Monsson frå far og syskin på dei partane dei hadde fått utlagt i skiftet 1777. Johannes fekk dessutan skøyte på odelsretten frå broren Nils. Faren Mons og stykmora Anna Ellingsdtr. skulle ha kår. Johannes 1758-1837 g. m. Kari Johannesdtr. Fossmark bnr. 5 1760-1832. Kari ervde helvta av Langhelle bnr. 6 i skiftet etter far sin 1797. Sonen Johannes overtok dette bruket.

1799 bygsla Johannes Monsson ein slåtteteig, «Slåttevika», som tilhøyrde Bruvik kyrkje.

http://vaksdalhistorielag.org/wiki/index.php?title=Gnr._21_Helle