Johannes Nilsson Fossmark

FOSSMARK BRUK nr. 5

1757 bygsla Johannes Nilsson, son åt Magdeli Johannesdtr. og Nils M. Raknes. Sjå ofr. Johannes 1729-1797 g. m. yngste dotter åt den førre brukaren, Marta Olsdtr. 1737- Dei fekk ikkje skøyte på dette bruket, truleg fordi Marta var yngst, og dei eldre systrene hadde betre oldelsrett. Men Johannes hadde eigedomsrett i andre gardar. 1770 fekk han skøyte på 13 1/2 m. smør i Langhelle bnr. 6. Året etter fekk han skøyte på ein part i Vaksdal, verdsett til 60 rdl. Han åtte også partar i Skaftå i Bruvik og Mjelde i Haus. Til bruket på Langhelle høyrde det laksefiske. I eit bygselbrev 1790 tok Johannes unna denne lakseretten for å bruka han sjølv. Ved skiftet etter Johannes 1797 vart parten i Langhelle skift mellom døtrene Anna og Kari.

Born:

• Magdeli 1758-, g. m. Anders Johannesson Skaffå, sjå Skaftå bnr. 1.
• Kari 1760-, g. m. Johannes Monsson Helle, sjå Helle bnr. 3.
• Olav 1765-, brukar på [Vaksdal Gardssoge|Vaksdal bnr. 1 og Dale bnr. 6.
• Anna 1771-1774.
• Anna 1775-, g. m. Mons J. Songstad. Sjå Haus s. 382.
• Lars 1759-, gjestgjevar på Indre Bruvik.

http://vaksdalhistorielag.org/wiki/index.php?title=Gnr._19_Fossmark...