Morten Ellingson Bjørkedal

Bjørn Jonsson Dale: Eg skal prøve å sette opp det som kan reknast som heilt visst om ætta på Søre Bjørkedal:1520 hadde heile Bjørkedalen bare 4 skattytarar, Ottar, Morten, Amund og Gyde. Morten sitt fulle namn var Morten Ellingson, etter både dokument og tradisjon. Morten budde på Søre Bjørkedal, og dette gjaldt nok Ottar med. Dei to andre budde rimeligvis på Nøre Bjørkedal eller på andre gardar i dalen.Like fram til kring 1600 var det bare 2 bruk på Søre Bjørkedal; på det eine satt den seinare såkalte Moritzætta, på det andre den seinare såkalte Jacobsætta. Landskylda av Søre Bjørkedal var 4.5 våger fisk eller 18 mællag, av dette åtte bøndene 11 mællag og Herøy kirke 7 mællag, men kirka hadde bygselen. Enno 1661 var bondeeiga i garden delt likt mellom Moritzætta og Jacobsætta, men garden hadde då 4 bruk.

MORITZÆTTA: Den eldste stamfaren for denne ætta er Morten Ellingson nemnt 1520 og seinare. Han var far til Torbjørn Mortenson, far til Povel Torbjørnson, far til Oluf Povelsen (seinare lensmann i Volda og borgar av Bergen), som igjen hadde sønene Jacob Olsen (1666:56), bonde på Bjørkedalen, og Frantz Olsen, borgar på Rotset, stamfar til den mektige borgarætta Rødset på Sunnmøre.

JACOBSÆTTA: Eldste stamfaren for denne ætta er bar kjent fra tradisjonen, og han skulle ha heitt Balde, men rimeligvis var det tale om ein Baltzer. Denne hadde sonen Saxe, kjent også fra andre kilder, som hadde sønenen Baltzer Saxeson og Ivar Saxeson, som begge levde 1626. Ivar Saxeson hadde m.a. sonen Arne Ivarson (1666:60), bonde på Bjørkedalen. Tradisjonen i Jacobsætta vil ha det til at Balde var i Svogerskab med Morten Ellingsen Bierchedal. Dette kan godt vere rett, men vi veit det ikkje. Baldekan godt ha vore sonen av Ottar nemnt 1520, men ikkje noke av dette er prova.

ELDRE ÆTTER: Ein Arne Eilivson kjøpte noke i Søre Bjørkedal 1425 (namnet ikkje gjengitt i Diplomatrium Norvegicum, derimot kjent fra eldre avskrifter). Sambandet mellom Arne Eilivson og dei yngre bjørkedalskarane er ikkje kjent. 1367 og 1379 budde Eiliv Jonson bonde i Søre Bjørkedal. Dette kan tenkast vere far til Arne nemnt 1425. 1338 og 1343 budde ein Sigurd og kona Elin i Søre Bjørkedal. I brevet fra 1338 er det også nemnt ein Sigurd Ottarson som hadde budd i Bjørkedal før, trulig sist på 1200-tallet. Sambandet mellom Eiliv 1367 og Sigurd 1338 er heller ikkje kjent, likeeins sambandet mellom Sigurd 1338 og den eldre Sigurd Ottarson. Dei mange breva om Søre Bjørkedal, trykte både i diplomatariet og andre stader (samt nokre utrykte), inneheld ei rekke namn og opplysningar om slektskap. Ingen av dei ættetavlene som er publiserte i ymse bøker og tidsskrift har gjort anna enn å dikte opp dei mellomledda som mangla for å kunne føre ætta fra kring 1300 og fram til i dag. Her står mykje kritisk gransking igjen.

Kilde: https://forum.arkivverket.no/topic/100097-14287-bj%C3%B8rkedals%C3%...