Ola Larsson Kvinnegard Haug

1801 census for Houg, Aal:

http://digitalarkivet.arkivverket.no/ft/person/pf01058272001450

---------------------------------

Ola Larsson fekk skøyte på garden hjå svigerfar sin Knut Tolleivson Noss Løken i 1770. Bror til Mari, Elling, hadde hatt Haug, men var barnlaus.

Ola Larsson kravde gardsyn på søre Haug i 1771. Innkalla var Knut Knutson nordre Haug.

Husa var: ei 'brøstfeldig' stugu 10 rd; ei liten stugu i dårleg stand 7 rd; eit forfalle loft 10 rd; eit dårleg fjøs 11 rd; ei roten bu 5 rd; to gamle låvehus med skykje (tilbygg) og vedskåle 5 rd; eit stabbur (som var sige skakt) 8 rd; gamal og forfallen stall 4 rd; ei forlu av osp 2 rd; ein sauestall 3 rd; eldhus, badstugu, ei gamal smie av osp 1 ort; hest- og saue-stall 5 rd; kvernhus i dårleg stand 2 ort. På Nystølen: ei delvis roten bu 1 rd 2 ort; på Botolvsstølen: ei forfallen bu og ei lu. På stølen Holu ei forfallen bu 3 ort;. På stølen 'Fjeldsætter' ei ny stølsbu 8 rd. Det var 14 mål åker.

Ola Larsson vart oppnemnd til lagrette-mann i 1772.

Ola makeskifta stølen Holu og 90 rd med Knut Knutson Haug og fekk att 3 mål åker og ei slåtte vest i lia.

I 1787 fekk han skøyte også på nordre Haug for 375 rd. Buet etter Ola var på 186 spd. På skiftet etter Mari var 112 spd å dele.