Ole Petter Larssen Hellen

Gardsoga for Sykkylven, Band 3, s 248-9: Ole Petter Larssen Hellen f 1827 d 1919 g 1855 Anne Marta Jetmundsd. Lade f 1834 d 1916 Br. 1855-1891 Born: 1. Lovise Jensine f 1856, g 1877 til Riksheim, br 12 2. Lars Johannes Edvard f 1860, d 1885. Han hadde barn, Anna Oluffa f 1884 i Herøy, d 1924, g 1905 Bernt Olaus Berntsen Vik (Styrkåg.), lærar, f 1875 d 1947. - Lars Johannes omkom i august 1885 i eit uver då sju båtar forliste og 33 omkom. Lars Johannes vart ikkje attfunnen. 3. Berte Jensine f 1863 d 1916, g 1881 Jens Larssen Lade (Jetmundg.). Bd II s. 547 4. Jens Bastian f 1866, g p br 5. Karoline Marie f 1874 d 1938, meierske i Velledalen. G 1900 Peter Severin Larssen Fet (1881-1968). Ole Petter fekk skøyte på bruket av verfaren i 1855 for 250 spd mot kår. Då han gav skøyta til sonen Jens i 1891, var det med det atterhald at han skulle ha bruksrett til halve bruket, og om Jens skulle døy, skulle Ole ha rett til å ta ⅓ av den furuskogen som fanst i Holteigen. Om krøterhald og sånad i 1860-åra, sjå Opplysningar om garden. Det kan nemnast som ein kuriositet at det i førebuingsarbeidet med ny matrikkel i dei åra står om «Adkomst»: Til søen god, til vei middelmådig. Ein gong låg Ole sjuk med lungebetennelse og doktoren sa: «Hvis du greier deg over denne natten står du det over.» «Ja, eg skal prøve det, farr,» sa Ole.