Oskar Nils A. Steen

No var det Hafstad og dampskipskaia på sørsida av Jølstra som hadde teke over som sentrum i bygda. Tingstova i Sjøahola vart ofte brukt som møtelokale for fylkestinget på midten av 1800-talet. Det var i denne tingstova at fylkestinget (amtstinget) den 28. november 1857 vedtok å skipe Fylkesbaatane – eller som det heitte: Nordre Bergenhuus Amts Baade. Då Fylkesbaatane vart skipa i 1858, vende også Førde «andletet» mot fjorden. Dampskipskaia vart bygd på Steinen sør for elveosen 1870, og langs vegen frå Hafstad til Steinen voks det i åra etter fram ei mengd småbedrifter og forretningar.