Peder Ingebretson Voster

Folk i Strand 1 side 83-84:

Peder Ingebretsen Voster f. ca. 1624 i Voster, d. ca. 1692. Gift 1. ca. 1651 med Eli Osmundsdtr. f. ca. 1625 på Øye på Randøy i Hjelmeland, d. før 1662. Barn:

• 1. Ingebret f. ca. 1655, g. ca. 1690 med Søgni Rasmusdtr. Idse; overtok bruket.
• 2. Bergitte f. ca. 1656/59, g. med Peder Osmundsen Nedre Valheim; Årdal.
• 3. Jon f. ca. 1660, g. ca. 1688 med Anna Rasmusdtr. (enke etter Torbjørn Ivarsen Horve); budde seinare på1694) og Høle; Jon d. 1727.
• 4. Eli f. ca. 1662, g. med Ole Paulsen Gjesfjeld; Årdal; ho d. før. 1708.

Gift 2.1665 (kongebrev) med Ingeleiv Bjørnsdtr. f. ca. 1640 på Heggheim, ho gifta seg oppatt med Kristoffer Lydiksen i 1693; sjå bruk 1. Barn:

• 1. Peder f. ca. 1665, g. ca. 1698 med Kari Kristoffersdtr. Høle; overtok bruket.
• 2. Bjørn f. ca. 1667, han budde heime i 1701. Det er då nemnt at han hadde dårleg syn: «fattig paa siunet», g. 1709 med Ingeborg Danielsdtr. Holta; flytta til Førland.
• 3. Malene 1. ca. 1679, g. ca. 1704 med Ole Danielsen Holta. Malene Pedersdtr. var i 1700 stemna for retten for leiermål med reservesoldat Berge Olsen. Stefar hennar, Kristoffer Voster, møtte for henne og måtte vedgå at det var slik. Ho måtte bøta etter lova.

Peder betalte odelsskatt frå 1646 og inn i 1660-åra. 1 odelsjordeboka frå 1661 er han ført som eigar av 1 laup 10 merker smør i N. Fister, I laup smør i Førland, og 9 merker smør i Krogevold. Han var lagrettemann mange gonger i åra frå 1653 til 1678. Av toll-listene for Stavanger ser me at Peder var i byen med 3 slaktenaut i oktober 1681. Peder fekk bot i 1658 fordi han «hoes sig paa nogen tid opholdte en udskreffuen Soldat», som hadde rømt heim frå Bergen. Det var nok Mikkel Olsen Voster. Då Mikkel Olsen Voster blei utskriven til soldatteneste blei han utstyrt med: 1 pund kjøt, 6 kavringar, 6 merker smør og 1 riksdalar i drikkepengar. Vidare 1 raud kjole, 1 kabuss, 1 skjorte, 1 par sko, 1 par hoser, 2 skinn til knapsteech, og til et par vanter, 6 skilling. Mikkel hadde vore dreng hos Peder, og dermed blei Peder på sett og vis ansvarleg for han. Peder lova på tinget i juni 1658 å få tak i Mikkel, men det lukkast ikkje. Han hadde rømt igjen. Peder måtte svara for same saka i mars 1659. Han måtte stå til ansvar for å ha teke imot den rømde soldaten, sjølv om han eigentleg nekta for dette. Mikkel hadde dessutan visstnok «beliget Ett quindfolch» som tente hos naboen til Peder. Naboen var Mikkel Sæbjørnsen Voster. Ingen hadde sett at Peder hadde hatt drengen Mikkel i huset, men om Mikkel «kunde Snige Sig til gaarde Naar Peder var iche hiemme, det kunde dj lche Vide.» Peder fekk trass i dette ei bot. Mikkel dukka også opp igjen, både i Strand og i tingboka. 11661 er han kalla «knegt som tientte paa Voster», og han fekk bot fordi han hadde «sove» med kvinna si før bryllaupet. I 1664 budde soldaten Bjørn Rasmussen hos Peder. Ingeborg Klengsdtr. hadde i november 1665 stemna Peder Voster fordi han hadde «besove» henne og ikkje ville halda løftet om ekteskap. Han hadde heller ikkje betalt henne løn og klede etter fem års teneste, eller betalt for oppfostring av barnet hennar, som han var far til. Nå viste det seg at Peder hadde gitt henne både varer og pengar, men Ingeborg ville ha meir. Og det ser ut som om Peder skulle gje henne 20 riksdalar i pengar og 20 riksdalers verd i varer til slutt. Peder Voster var stemna for retten i 1669 av søster si, som var enke i Voster, for halvparten av bygsla av Førland, som ho hadde rett på etter skiftebrevet etter foreldra. 1 1675 var Peder Voster stemna for retten fordi han ikkje hadde skyssa då han skulle. Han møtte heller ikkje for retten, og måtte bøta ekstra for det.