Pieter Anthonij Meiring (a1), SV/PROG

Birth date 9/6/1774 and parents still needs further investigation.

"Na ‘n kort verblyf in Kaapstad trek die Meirings na Ganzekraal, Bo-Langkloof, die oudste leenplaas (1760) in Langkloof wat in Junie 1832 as erfpagplaas aan veldkornet Michiel Hillegert van Rensburg toegeken is. Die Ganzekraalrivier was reeds voor 1751 bekend. (Verskaf Hendrik Strydom)

... Arnoldus Mauritius Meiring ... het in Maart 1743 voet aan wal in die Kaap gesit... Nou moet ek vermeld dat daar teen die einde van die 18de eeu ʼn ander nedersetter, Pieter Anthonie Meiring die land binnegekom het en saam met die nageslag van [Arnoldus Mauritius Meiring] was daar ʼn merkbare toename van Meirings. Dit is jammer dat ons nie veel weet van die voorgeslagte van die nuweling, of wat sy beroep was nie.
...
Ons eerste kennismaking met Pieter is as die bruidegom voor die preekstoel van die Grootte Kerk aan die sy van sy bruid Aletta van Amsterdam. Sy was lid van ʼn Nederlandse familie, reeds aan die Kaap gevestig.
...
Van Pieter weet ons minder. Kon hy die seun gewees het van Albert Meijring en Trytien Jans wat net as Anthonij, gebore 09.06.1774, gedoop is? Soos reeds tevore vermeld was my soeke na sy presies herkoms soos die spreekwoordelike naald in ʼn hooimied. Wanneer het hy hier aangekom? Wat was sy nering?
...
Na ʼn verblyf van ʼn paar jaar in Kaapstad ... word sy woonplaas aangegee as die Bo-Langkloof ... ʼn Mens kan nie help om te bespiegel waarom hy juis na hierdie deel van die land gekom het waar die "ander" Meirings reeds gevestig was nie. Tog, sover ek kon vasstel, was daar geen verband tussen hierdie groepe nie.

Uit: AJC Meiring, Die geskiedenis van die Meirings met betrekking tot die Oudtshoornse, Worcesterse en Groningense families, ble. 1, 2 & 124"