Ragnhild Eyvindsdotter Byre

Forsand II, Lagmannsætta s.85. Gift med Tore II. Gardson. Ho må ha vore av ei gjæv ætt. Me har fire brev i D.N. som fortel at ho og tre søstrer gav frå seg gods i Voster i Strand Herad til bispestolen i 1450-åra. Var Ragnhild tolleg jamgammal eller berre litt yngre enn mannen sin, lyt ho vera fødd ca. 1400-1410. Det høver godt med at desse fire søstrene var i 40-50års alderen då dei overlet godset sitt til kyrkja. Dei laut tenkja på sjela si i den alderen. Det var Gunnar Eirikson (biskop 1445-1453) som var biskop i Stavanger då, og fekk dette godset i Voster. Når bispestolen fekk godset, kunne det tyda på at dei ville gravleggast i Domkyrkja.

I 1375 var det ein Eyvin Ogmundson som kjøpte gods i Voster av ein Bård Jonson. (D.N.IV nr. 381, 1375). Fleire granskarar har meint at dette måtte vera far til Eyvindsdøtrene. Men av kronologiske grunnar er dette lite rimeleg. Det ville høva betre om Eyvin Ogmundson var farfar eller morfar til Eyvindsdøtrene. Dei fire nemde breva fortel om den næraste familien til Tore Gardson si frue. Eit grundig studium av kven mennene til dei fire døtrene var, kunne visseleg læra oss noko om det sosiale miljøet til desse folka, og kanskje noko om kva ætter dei høyrde til. Dei fire Eyvindsdøtrene var:

1. Gyrid Eyvindsdtr. og mannen hennar, Per Arvidson, gav bispestolen i Stavanger det dei åtte i Voster til sjelemesser for foreldra hennar. (D.N.IV nr.912, Hallingstad den 14.november 1449). Hallingstad er prestegarden i Vikadal.

2. Sigrid Eyvindsdtr. og Tore Endridson gjorde det same. (D.N.IV.nr.915, Skutegjerde, prestgarden på Finnøy, den 26. november 1449).

3. Margreta Eyvindsdtr. og Geirmund Anundson gjorde likeeins, (D.N.IV nr.916, Madla ved Stavanger den 10.februar 1450).

4. Ragnhild Eyvindsdtr. Og Tore Gardson gav bispestolen det dei åtte i Voster til sjelemesse for dei næraste skyldfolka sine. (D.N.IV nr.919, Stavanger, 13.april 1450).

Hun heter ikke 'Rømer'.

Ragnhild var visst søster til Stavangerbispen Audun Eivindson.

Ref.: "Selvåg-ætta II" av Ola Aurenes. Juli 1938.

https://www.nb.no/items/49a8feacccdac4dbc4e1052c4bd159d3?page=17&se...

Ragnhild Eivindsdtr. Her married name was Garå. She was born circa 1410 at Norway. She married Tore Gardsen Garå, son of Gard I. Toresen Talgø and Ramborg Knutsdtr Lejon, circa 1427. She died at Talgå, Norway.

• Reference: FamilySearch Genealogy - SmartCopy: Mar 14 2018, 0:02:00 UTC