Rasmus Bø

• Gards og ættesoga for Haa, bind I Nærbø, Bø, side 360, nr. 125.1

Gards og ættesoga for Haa, bind I Nærbø, Bø, side 360, nr. 125
Rasmus Rasmusson (Kvidaland),- son til 99., var fødd 7-11 1860, død 6-3 1947,
Gift 30-11 1883 med Sille Maria Mauland, f. 17-12-1858, d. 10-11 1942, dotter til Jonas Olson Mauland i Time og Ane Berte Olsdtr. frå Garborg.
Rasmus tok over farsgarden, bnr. 5, i 1893. Sidan kjøpte han ættegarden, bnr. 7. -Dette bruket var då mykje nedslept både husa og jorda. Rasmus bygde alle husa frå nyom og sette jorda istand med grøfting og hevding, og det vara ikkje lenge før det var på høgd med det ein kunne krevje av eit gardsbruk på Jæren, som i våre dager ikkje er så radt lite. Sille Maria og Rasmus hadde 4 søner og 3 dødtre. Det var midt i den verste amerika-råsa kring 1900, og dei 2 eldste sønene fylgde straumen til Montana alt før dei var vaksne å kalla. Den eldste døde der nokre år seinare. Men den andre slo seg på saueal og vart ein halden mann. Dei 2 yngste sleit heime. Der var nok å hekte hendene i. To gilde gardar låg og venta på dei. Og romfrek som Rasmus var, bygde han endå eit hus for seg og kona, som framleis var både helsuge og arbeidsglade, men vel mest med tanke på døtrene. Så kom slaga. Først døde den eine av sønene og så den andre. - Og då så dei gamle døde i høg alder, sat dei 2 gjentene att med 3 gardar å kalle. Den eine pakta dei bort, men den andre, Kvidaland, sleit dei med sjølv lenge, med lita og mest ikkje karmanns-hjelp. Det var eit vanleg syn å sjå Anna baskande med plog og såmaskin eller på sjølvbindaren, eller i overhal og stivlar på veitegraving.- Men dei var nå opp 50-60 åra, og eit menneskje kan ikkje meir enn det kan. Dei vona på broren i Montana i lengste laget. Men det var for seint. Han var vorten meir enn 70 år. - Og barna er amerikanarar og ville lite kunna funne seg til rettes med ein liten jordalapp på Jæren. Så selde dei Kvidaland til Leiv Gausland. Kristian Fuglestad, som har pakta den andre garden mange år, ville visst meir enn gjerne kjøpt ha. Men det er så si sak å la ein gard som har vore i same ætta i 400 år gå til framande. Men den gamle Bø-ætta er ikkje utdøydd, så det torer ennå henda at ein ætling av dei gamle står fram og byd seg til å bera arven vidare i fedrane fotefar.
Rasmus og Sille sine barn var:

1. Rasmus, f. 29-7 1885, d. i Montana 1922. Han let etter seg 3 barn.
2. Jonas, f. 4-4 1887, gift 1) i Montana m. Elida Helvig, gift 2) m. Gerdtrud.
3. Gurine, f. 29-3 1890, d. 27-12 1902.
4. Anna, f. 12-1 1892, d. 19-6 1966, ugift. Budde på Bø.
5. Reinert, f. 6-10 1894, d. 23-3 1924, ugift.
6. Sven Magnus, f. 11-2-1898, d. 1940, ugift.
7. Inga Malena, f. 5-11 1900. Bur på Bø, ugift.