Rasmus Olsen Besserud

Hattestadmanuskriptene: Besserud (gnr. 179), Dal øvre (gnr. 170), Ersgard (gnr. 49)
Skifte etter faren på Besserud i 1716: Eldste sønn Rasmus Olufsen 25 Aar
Skifte etter Berit Andersdtr. på Besserud i 1726: Enkemann Rasmus Olsen
Begravelsen i 1765: Md. Rasmus Ols. Besserud, 75 år

From Aksel Hattestad: Men Oluf døde alt i 1716 og det var da arveskifte på Besserud. Ved dette skiftet er det opplyst at garden var odelsgods, og at arvebuet utgjorde netto 116 rd. Arvingane var forutan enka Anne Mortensdtr. dei 4 borna i ekteskapet. Av dei var eldste sonen Rasmus Olufsen da 25 år, broren Johannes Olufsen var 23 år, søstera Sessel, som var gift til Lier, var 29 år, og søstera Eli, som var gift til Kolsveen, var 27 år. Rasmus Olufsen, som snart vart ein kjend mann i Fåberg, er elles seinare oftast kalla Rasmus Olsen Besserud. I Rasmus si brukartid kom i 1723 det nye matrikkelframlegget med nyare opplysningar om gardane. Om Besserud er det der fortalt at garden ligg i sollia, og at jordarten er god, men garden er tungbrukt. Det var skog til brenneved og gjerdefang, seter med god hamn og utslåttar til 1 lass høy. Høyavlinga i det heile var ca. 30 lass, og krøterhaldet var da 3 hestar, 16 naut og 20 sauer. Endeleg er det fortalt at den årlege utsæden var ca. 2 tdr. bygg og litt rug, og garden hadde framleis eiga kvern. Landskylda av garden var som før 1 hud 4 skinn, og det går tydeleg fram at Rasmus Olsen var både eigar og brukar av garden Besserud. Det er og opplyst at det da låg ein husmannsplass med brukande jord til garden. Truleg var det Dølden, som vi i det etterfølgjande ofte kjem til å nemne. .... På Besserud hadde Rasmus Olsen gifta seg oppatt og fekk først ein son i den nye ekteskapet, så i 1732 dottera Inger, i 1734 dottera Sessel, i 1737 sonen Iver og i 1740 sonen Johannes. – Rasmus Olsen er og nemnd som brukar på Besserud i 1747. Han fekk da kvittering av Peder Blegen for arv som kona hans Aaste Rasmusdtr. Besserud hadde fått ved skifte etter mor si på Besserud i 1726. Samtidig gav og Jon Nilsen Grønlien kvittering for arv som kona hans, Anne Rasmusdtr., hadde arve etter mor si ved same skiftet. Frå fire år seinare er ein bygselseddel som Rasmus Olsen Besserud i 1751 gav til Ole Larsen Dølden på ”en hans odelsgaard til og underliggende husmandsplads Dølden kaldet beliggende i gaardens hjemenger med aarlig husleie 2 ½ rd.” – Etter atter åtte år gav så i 1758 faren og dei myndige søskena skjøte til eldste sonen, Ole Rasmussen, på Besserud av skyld 1 hud 4 skinn for sum 338 rd. (http://www.faberghistorielag.no/assets/docs/hattestad/gnr-179.pdf)