Rasmus Rasmusson Myklebust

Skiftet etter Margrethe Jensdotter på Sandøya 1742 opplyser at Anne og Marj Rasmusdøtre er arvingar. Dette er provet på at Rasmus var gift med Margrete, og at dei hadde ei anna dotter i tillegg til Anne. Andre prov er at Rasmus Beinset er kreditor i buet. Han er søskenbarn til Anne og Marj, son til Ingebrigt som er bror til Rasmus. I tillegg er sonen til Margrete og den avdøde ektemannen Thore gitt namnet Rasmus, altså det same som første ektemannen til Margrethe. Dette var vanleg skikk. Anne og Mari/Marj fekk arv etter den barnlause broren til Rasmus, Jon. Det var i 1705.
Kjelde: SAT, Romsdal sorenskriveri, 3/3A/L0007: Skifteprotokoll, 1740-1751, s. 187b-188a. Brukslenke for sidevisning: https://www.digitalarkivet.no/sk20090129650205

Gravferda til Rasmus.
Kjelde: SAT, Ministerialprotokoller, klokkerbøker og fødselsregistre - Møre og Romsdal, 536/L0491: Ministerialbok nr. 536A01 /1, 1689-1737, s. 17. Brukslenke for sidevisning: https://www.digitalarkivet.no/kb20070903660183
(etter kjeldegranskar Robert Haugen, lagt inn av Nils H. Harnes).

Eg fjerna no kommentaren under dødsår i profilen over: "i følge Veiby (eneste bevis på eksistens)", sidan kjelde til gravferd med dette er lagt inn.

Kari Johannesdotter (1699-1771) frå Orten var gift med ein annan Rasmus Rasmussen Myklebust (1719-1766), altså ikkje den Rasmus som ho er kobla til i denne profilen. Dei fekk mellom andre sonen Kristoffer, opplyser Haugen. Rasmus i denne profilen har berre to kjente born, Anne og Mari.
Feilinformasjonen over viser seg når vi ser på ein del av borna som er ført opp. Her er Johannes, fødd i 1740, ført opp som son til Rasmus som døydde i 1694. Det same med Rasmus (fødd 1738), og Kristoffer (fødd 1745). Profilen Lyshol, som har lagt inn store mengde profilar her, har også lagt inn ein stor mengde feil viser mi gransking. Så eg vil oppmode alle til å sjekke alle opplysningar som profilen har lagt inn.