Sivert Lassesen Helset

Ane Andersdotter Øveraas (Bø) hadde ei søster som heitte Marit. Ho gifte seg med Sivert Lasseson frå Nedre Helset, bnr. 1. Det blei son deira som tok over garden. Her tek me med meir om denne familien fordi fleire av borna til Marit og Sivert kom hit til Øverås. Sivert sat som sjølveigande gardbrukar på Vike då dei to første borna blei kristna, men det er fortalt at han handla hest so lenge og vel at han måtte gå frå garden. Etter dette flytte dei fleire gonger før dei slo seg til på Sjurplassa på Hovdenakkå. Snart tok dei til å sende borna sine hit til moste deira i Andersgarda. Lasse tok som nemnt over her. Anders blei brukar Der'sø. Han var faktisk fødd lier på Øverås i 1821. Far hass var då nemnt inderst. Sivert fekk plass nedmed Øveråssjynå, bnr. 15. I 1852 fekk han sonen Peder med Gjertrud Pedersd. Sundvig. Me veit ikkje noko om mora og barnet: Søren blei husmann og sia sjølveigar på Naustbakkå. Anders d.y. kom på Neråssetra, bnr. 2 på Nerås. Marit blei gift åt Ur'n. So hadde dei ein bror, Mads, som flytte til Nordland. Han døydde tidleg. Sjå elles meir om familien under Helset og Vike.

Amund skulle vere den einaste på Øverås som blei pålagt å betale sølvskatt til grunnlegginga av Norges Bank. For å skaffe pengane bygde han seg ein tjørehjell i ein skogateig oppi Korsmarkjin. Der brente han tjøre og tente seg so mykje at han betalte skatten, og med di fekk han ein aksje i banken. Elles hadde dei kvar sin tjørehjell heime på bømarka alle fire bruka på Øverås. Den siste som brente tjøre her var han Anders Sivertson Der'sø. Han brente oppi bakken oppføre løa si.

Kilder:

Gard og slekt, Tomrefjord, Øverås og Nerås s. 61 .

1865 folketelling Hovdenak 193,194 Røvik, Bolsøy, Møre og Romsdal https://www.digitalarkivet.no/pf01038296002151

• 009 Helene Andersdatter 02 55 Bolsø Prgj. e Føderaadskone
• 010 Ole Ingebrigtsen 02 28 Vaage Prgj. ug Tjenestekarl
• 011 Ole Sivertsen 02 17 Vaage Prgj. ug Tjenestekarl
• 012 Sivert Lassesen 02 72 Vestnæs Prgj. e Tjenestekarl
• 013 Jakobbine Kristoffersdatter 02 23 Bolsø Prgj. ug Tjenestepige
• 014 Gjertru Tronsdatter 02 27 Vestnæs Prgj. ug Tjenestepige