Tomas Nilsson Ytre Boge

GNR. 12 YTRE-BOGE BNR. 4

1802 skøyte til Tomas Nilsson på halve bnr. 4. 1810 fekk han skøyte på resten av bruket. 1811 gav han føderåd til verbroren Knut, son til den førre brukaren.
Tomas f. 1775 var frå Ytre-Boge bnr. 1, g. 1803 m. Ingebjørg Johannesdtr. f. 1775, dtr. åt den førre brukaren her. 1826 let dei garden frå seg til eldste sonen og tok kår. 1837 utvandra dei til U.S.A. saman med yngste sonen Nils. Dei var i den fyrste flokken av utvandrarar frå Bruvik sokn. Ferda over havet gjekk med seglskipet Tomas og huslyden let ikkje høyra frå seg etter at dei drog frå landet. Seinare vart det kjent at dei døydde i Ellinoers ein av dei fyrste vintrane dei var i U.S.A.

Born:

• Johannes 1804-, brukar her.
• Nils 1809-, utvandra til U.S.A. 1837, sjå ofr.

1826 skøyte til Johannes Tomasson for 190 spd. og kår til foreldra. Johannes 1804-1885 var g.m. Ingebjørg Knutsdtr. Indre-Boge bnr. 1 1810-1898.

Born:

• Tomas 1828-1849, ug.
• Knut 1831-1853, ug.
• Magdeli 1833-, g.m. Knut Andersson Vaksdal, sjå Vaksdal bnr. 16.
• Ingebjørg 1837-, g.m. Johannes Eriksson Vaksdal, b. Grasdal, Holsenøy. Sjå bnr. 5.
• Nils 1840-, brukar her.
• Kari 1843-, g.m. Johannes Helgesson Hekland, sjå Hekland bnr. 2.
• Johannes 1847-, brukar her.
• Tomas 1850-, sjå bnr. 2.
• Knut 1853-, sjå leigebuarar.

1868 skøyte til Nils Johannesson f. 1840 på halve farsgarden for 190 spd. og kår til foreldra, verdsett til 112 1/2 spd. Ved delingsforretning 1868 fekk parten til Nils løpenr. 484 a. Nils overlet bruket 1882 til broren Johannes.

http://www.vaksdalhistorielag.org/wiki/index.php?title=Ytre-Boge