Tor Håkonsson Holmedal

Tor dreiv med tømmersal. I 1776 hadde han selt nokre tylfter bjelkar til Anders Storhaug, men etterlyste betalinga. Og Tor trong nok pengane, for han tykkjest vera i stadig pengenaud. Delvis hand det vel saman med at han måtte gje etter måten mykje for jorda, 220 dalar, over doble summen svigerfaren hadde gjeve fem år før. I lengde greidde han ikkje å sitja med henne.

Dei lånte 260 dalar hos kaptein Nils Dahl, i 1774. Samstundes skreiv dei kontrakt med Åmund Tveit som kausjonerte for summen mot å ta pant i den gamle klosterjorda som Ølver, svigerfaren, hadde kjøpt sjølveigande i 1759. Men Tor greidde ikkje rentene. I 1780 måtte han gje skøyte til Åmund Tveit på halve klosterjorda. Åmund selde det fem år etter til Torbjørn Andersson Storhaug, Dermed var det tre bruk og tre brukarar på Holmedal.

Sidan hende det same om att. Tor lånte 210 dalar hos Nils Dahl i 1786 og skreiv kontrakt med Åmund Tveit om kausjon mot pant i jorda. Alt året etter miste Tor jorda si til Åmund. Men denne gongen skreiv dei såkalla rådskontrakt der Tor fekk bruksretten til jorda. Sidan må son til Tor, Håkon, ha løyst jorda inn att.

"Tor Håkonsson dreiv med tømmersal. I 1776 hadde han selt nokre tylfter bjelkar til Anders Storhaug men etterlyste betalinga. Og Tor trong nok pengane. For han tykkjest vera i stadig pengenaud. Delvis hang det vel saman med at han måtte gje etter måten mykje for jorda, 220 dalar, over doble summen svigerfaren hadde gjeve fem år før. I lengden greidde han ikkje å sitja med henne. Sjå gardssoga"

Folketelling 1801 for 1212P Skånevik prestegjeld https://www.digitalarkivet.no/census/person/pf01058369000821