Torstein Eirikson Venjo

• Født og oppvokst på Venjo og overtok gården etter faren.(s254 gml. bygdebok)

"Dei sat tungt i det alt fraa det fyrste, og verre vart det med aari. Daa kona hans døydde i 1710, maatte far hennar, hans Lars Slinde, kjøpa garden for aa tryggja han for borni hennars. Torstein aatte ingenting. Han fekk likevel styra garden so lenge. Men so vart han huga aa gifta seg uppatt og fekk heim til seg ho Ingeborg Ivarsdtr. Baasaaker. Dei var offentlig trulove, so alt var som det skulde vera i so maate. Brudlaupet fekk ein ta, naar aarsbelet høvde til det. Men so kom der knute paa traaden. Dei gjekk kvar til seg. Torstein segjer at ho Ingeborg rymde hei, og Ingeborg segjer at han jaga henne heim. So vart det sak um dette. Torstein sa for retten at han naudleg vilde gifte seg me henne, daa ho var "av en haard natur", og Ingeborg sa for sin part at ho heller ikkje "staar etter han", etterdi han er ein hard og slem mann og hadde truga med aa vilja slaa henne. Derimot vilde ho krevja at han "svarer til hendes pretensioner for hendes møspilde". Dette med pretensionerne gjorde han Torstein mjuk. Han vilde gjerne gifta seg me henne, um ho berre vilde vera skikkeleg og fredeleg i huset. Men ho Ingebord heldt seg stiv: Ho trur seg ikkje til aa gifta seg med han, daa han har truga med aa verta ein Rehabeam mot henne. No har Torstein gjort eit mottrekk: Han har stemnt henne for ho har drege av med ein bordduk, eit tinfat og ein sylvring som var hans. Torstein vart likevel dømd til aa betala henne det som resta paa kost og løn, men slapp aa svara sakskostnad, daa han "var av ringe vilkaar".

Men so rare er folk: Daa ei tid var ledi, var dei to komne saman att. Elles var det ikkje so lenge, dei vart saman. Torstein døydde uml. 1720." (Hafslo, Bygd og Ætter, 1926, s.254)