Valbjörn Þorláksson

Valbjörn Júlíus hét hann og fæddist á Siglufirði 9. júní 1934. Foreldrar hans voru Ásta Júlíusdóttir fædd á Valabjörgum í Helgafellssveit, Snæfellsnesi og Þorlákur Anton Þorkelsson, fæddur á Húnsstöðum í Stíflu, Skagafirði.

Hálfsystkini Valbjarnar sammæðra eru Unnur Sigurðardóttir, látin, Brynhildur Olgeirsdóttir, Stella Erna Hansen, látin og Reinharð V. Sigurðsson. Alsystkini Valbjarnar eru Stella Borgþóra, Sigurður Þorkell Zetó, látinn, Anna Sigríður, látin, Hanna Sólveig, látin og Páll Róbert.

Valbjörn heillaðist snemma af íþróttum og sýndi þeim strax áhuga norður á Siglufirði sem drengur. Gaman var að alast upp á Siglufirði þar sem náttúra og mannlíf er fjölbreytt og fagurt. Fjöll og fjara, snjór og sjór, bryggjur og bátar, síldarplön og sjómenn, mannlíf og menning – og fjöllin sem gnæfa hátt. Hann var fjörugur strákur, prakkari í sér og naut þess að alast upp á Siglufirði. Hann flutti ungur suður og lék knattspyrnu í Keflavík en sneri sér fljótlega að frjálsum íþróttum og hóf sinn feril sem frjálsíþróttamaður með ÍR og lauk honum með sama félagi.

......

Börn Valbjarnar eru:

1) Magnús Valur Albertsson 4. desember 1954,

sonur Þóru Filippíu Árnadóttur 11.júní 1936

2) Bryndís 3. janúar 1957,

dóttir Guðlaugar Gunnarsdóttur 14. apríl 1939

3) Hrafnhildur Hákonardóttir 10. nóvember 1959,

dóttir Þorgerðar Rósu Sigurðardóttur 14. desember 1941

4) Ástríður Sigríður 30 apríl 1960,

dóttir Guðrúnar Sigurðardóttur,

5) Guðrún Linda, 2. janúar 1969,

dóttir Sigríðar Bachmann Egilsdóttur 12. apríl 1946

6) Herdís 23. júní 1972,

dóttir Höllu Guðrúnar Ingibergsdóttur 31. október 1950

.......

Valbjörn ólst upp á Siglufirði fram að unglingsárum er fjölskyldan flutti til Keflavíkur. Leið hans lá svo fljótlega til Reykjavíkur þar sem hann bjó til dauðadags. Hann stundaði frjálsíþróttir meira og minna alla sína ævi, æfði hjá ÍR, Ármanni og KR. Valbjörn var einn fremsti íþróttamaður Íslendinga á liðinni öld í tugþraut og sérstaklega stangarstökki, en þess má geta að fyrstu stöngina sína tálgaði hann úr árarblaði. Valbjörn var kosinn íþróttamaður ársins árin 1959 og 1965, sama ár og hann varð Norðurlandameistari í tugþraut. Hann tók þátt í þrennum Ólympíuleikum, Róm 1960, Tokyo 1964 og Mexikó 1968. Í mörg ár var Valbjörn þjálfari af hugsjón einni saman hjá Ármanni og KR og var vinsæll og dáður af ungu kynslóðinni. Valbjörn starfaði í Sundhöll Reykjavíkur og rak Mini-golfvöll á Skólavörðustíg á sínum yngri árum. Hann starfaði einnig á Laugardalsvellinum áratugum saman og er Valbjarnarvöllur nefndur eftir honum. Það var gert eftir að hann varð heimsmeistari í flokki öldunga í tugþraut í Hannover í Þýskalandi árið 1979, þá 45 ára að aldri. Valbjörn gaf alla verðlaunagripi sína til Siglufjarðar fyrir nokkrum árum og þar verða þeir varðveittir um ókomna tíð.

...........

Valbjörn átti við vanheilsu að stríða hin síðari árin. Hann fékk heilablóðfall fyrir nokkrum árum, var með parkinsonsveiki og var að mestu hættur að geta tjáð sig. Hann naut góðrar umönnunar bæði á Landakoti og á Hjúkrunarheimilinu Skógarbæ þar sem hann lést 3. desember 2009.

Tekið af Örnbárður. annáll .is (stytt - en bætt við fæðingardögum)

Sammæðra Valbirni:

1) Unnur Sigurðardóttir 30. júlí 1919 – 30. október 2000

2) Brynhildur Olgeirsdóttir 19. janúar 1921

3) Stella Erna Hansen

4)Reinhard Wilhelm Sigurðsson (Reinhart Harry , gengur undir nafninu Harry) 20. desember 1927

Alsystkin Valbjarnar:

5) Sigurður Þorkell Þorláksson (tók upp listamannsnafnið Sigurður Zetó),

9. júní 1930 - 1. september 2009

6) Stella Borgþóra Þorláksdóttir, 12. desember 1931

8) Anna Sigríður Þorláksdóttir, 11. júní 1937 - 14. október 2006

9) Hanna Sólveig Þorláksdóttir 11. júní 1937 - 25. apríl 1995

10) Páll Róbert Þorláksdóttir 25. mars 1943

Skv. Íslendingabók og Mbl. (minningargreinar systranna Unnar 7 nóv 2000 og Hönnu 4. maí 1995)