Chaim Moshe Tzvi Twersky

http://www.ivelt.com/forum/viewtopic.php?f=31&t=4865&start=150

רבי חיים משה צבי מהארנאסטייפאל זי"ע, דער צווייטער זון פון רבי מאטעלע זי"ע רבי חיים משה'לע איז נפטר געווארן עש"ק כ' כסלו תרצ"ד, געציילטע טעג איידער ער האט געזאלט ארויפגיין קיין ארץ ישראל, נאכן באקומען די לאנג ערווארטעטע סערטיפיקאט. אויף יענעם שבת פרשת וישב איז געווארן צוגעגרייט א גרויסן קידוש אינעם בית המדרש פון רבי איציק'ל לאיעווער זצ"ל, וואו דארטן האט רבי חיים משה'לע געדאווענט אין יענע תקופה. אבער ליידער האט ער שוין נישט זוכה געווען דערצו. זיין רביצין הצדיקת מרגאלא ע"ה איז שפעטער ארויף קיין ארץ ישראל, וואו זי האט געוואוינט ביז צו איר פטירה, ט' סיון תרצ"ט, און מ'האט איר געברענגט לקבורה אויפן הר הזיתים אין די וואהלינער חלקה נעבן דער טשערנאבלער אוהל.