Charles Gerhardus Marais

Huwelik/Marriage

https://familysearch.org/ark:/61903/3:1:S3HT-69H7-1X4?i=63&cc=1478678

Boer op die plaas Nectar, Jonkershoek. Dit is nou 'n roosplaas, en is geskilder deur Gwelo Goodman. Charles se eerste vrou is jonk dood, en hy het toe verlief geraak op Petronella Nielen. Ongelukkig was sy 'n katoliek, en sy familie het hom met groot dreigemente oorreed om van haar weg te bly. Volgens die storie het dit hom byna gebreek. Hy het somber geword en wou met niemand praat nie. Op 'n dag, 'n hele paar maande later, toe hy diep ingedagte op sy perd deur Stellenbosch ry, voel hy iemand die perd se teuels gryp. Hy kyk op, en sien Petronella voor hom staan. Gedemp maar ferm vra sy: "Waarom bly jy weg?" Charles spring van sy perd af en vertel haar die hele storie. "Ag, is dit al?", vra sy. "Dis nie 'n probleem nie. Ek is heeltemal bereid om 'n Protestant te word."

Charles was eers welgesteld, maar die vrystelling van die slawe het hom finansieel swaar getref.

Hy en sy vrou is later alleen in 'n familie-grafkelder naby Stellenbosch te ruste gelê.