Georg Diederik Petrus Prinsloo

Georg Diederik Petrus Prinsloo het deelgeneem aan die Groot Trek. Hy was heel waarskynlik saam met die Hammans en Minnaars deel van Kmdt A H Potgieter se trekgeselskap oa by Vegkop, Mosega, Sooilaer en waarskynlik ook Danskraal en die Slag van Bloedrivier, saam met sy (aanstaande) skoonvader JJ Hamman. Hy was later Landdros en huweliksbevestiger tydens die Dorslandtrek. Het gedurende 1884 na Suidwes-Afrika getrek en te Grootfontein die President van die Republiek van Upingtonia gewees. Nadat hy begin siek word het, het hy saam met sy twee seuns, Michael en Willem vanaf Grootfontein terug getrek Transvaal toe waar hy oorlede is. Michael en Willem het later weer terug getrek na Angola.

George Diederik Petrus Prinsloo is vernoem na sy grootvader aan moederskant, George Diederik Geere.

----------------------------------------------------------------------------------------------------------------------------

Voortrekkerstamouers 1835 - 1845 deur Jan C. VISAGIE (Afrikaans). Protea Uitgewers, Pretoria, 2011. Tweede uitgawe, derde druk 2011. ISBN 978-1-86919-372-0

Bladsy 399

PRINSLOO, George Diederik Petrus - b3c3d4e6f6 * Wildebeestfontein, Middelburg, Kaap, Landdros van die Republiek van Upingtonia 19/5/1821, gedoop Cradock 5/8/1821 † 22/03/1888, Wildebeestfontein, Middelburg, Transvaal X Martha Maria HAMMAN b5c1d4 XX Biesiepan, tydens Dorslandtrek 16/3/1879 Susanna Francina HOLTZHAUSEN * 17/8/1852, gedoop Potchefstroom 20/11/1853. Sy hertrou met A. DIPPENAAR.

Woonplek: Waarskynlik by sy ouers in die wyk Oos-Rietrivier, Somerset

Vertrekdatum: Onbekend, maar reeds in 1844 in Natal.

Trekgeselskap: Onbekend. In 1847 was hulle nog in Natal.

Neem deel aan die Dorslandtrek.

Bygevoeg deur Y. DROST op 3 DES 2022

-------------------------------------------------------------------------------------------------------------