Ingeborg Pedersdatter Vereide

Ingeborg på Vereide, av Augustin-ætta.

Augustinus eller Øysteinætta, artikkel i Tidsskift for Sunnmøre historielag av Emil Vollset

Augustinus, latinsk form for Øystein, er stamfaren til ætta. Ho åtte store jordegods i Nordfjord og på Sunnmøre. Hovudgarden i Nordfjord var Vereide og på Sunnmøre var Stadheim hovudgarden.

Vi kjenner ættleggen frå ei sak om Odelsretten til Stadheim. På lagtinget i Bergen 21. juni 1603 la brørne Nils Olavson Vereide og Erik Olavson Rygg fram eit dokument som tek til såleis «Dette er erlig och vellforstandige Erich paa Ryg och Niels paa Veyredtz deres Affkompst och Eætledt:

1. Augustinus,

2. Olluff Augustinusszønn,

3. Salomon Olluffszønn,

4. Peder Sallomonszønn,

5. Ingeborg Pedersdatter,

6. Joen Erichszøn,

7. Olluff Jonszønn.

Forschreffne Erich och Niels ehre forne sallig Olluff Jonszøns Sønner, echte och rette fra Fader och Moder. Disse forschreffne Slecter haffuer fuld och følger Stadim y Sønnøffle paa Søndmøre, som kaldis Augustinus Godtz Mand efter Mand.» (o.s.b.)

Den same ættleggen finn vi også i eit brev sett opp på tinget i Stryn 6. februar 1563 og lagt fram på herredagen i Bergen 25. august 1578.