Johanne Hallsteinsdatter Straumsheim

Gardsoga for Sykkylven, GJERDE bnr. 1. Då Hallstein Olsen Gjerde flytte frå Straumgjerde eller Hallsteingjerde som det vart kalla den tida, let han over største luten av bruket til sonen Sjur Hallsteinsen Gjerde (f. ca. 1640, d. 1725). Br. ca. 1664—1714. Han skatta av 2 mællag i 1666, og 4 mællag i 1705. Namnet på kona hans er ikkje kjent. I 1711 hadde han to tenarar på bruket sitt, ein dreng med årsløn 1 rdl., og «en liden tøs» med årsløn 3 ort. Etter Sjur kom versonen Knut Olsen Stave (f. ca. 1691, d. 1726) g. m. Johanne Sjursdtr. Gjerde (f. ca. 1670, d. 1727). Bygselsetel i 1714 på 1 våg frå Christopher Abelset. Det er mogleg at Johanne har vore gift ein gong før med ein Rasmus Larssen som fekk bygselsetel på 3 mællag i Straumgjerde i 1705 frå Ole Larssen Abelset. Men ein høyrer ikkje noko meir om Rasmus som evt. må ha gått bort kort etter at han var gift. Skiftebuet etter Knut Olsen hadde ei brutto eige på 76 rdl., og ein gjeld på 31 rdl. Sykkylven, s 300: