Johannes Jacobus Alberts, b1c5d9

    In die jare 1850 tot 1853 was groot dele van die Kaapkolonie in die greep van die agste Xhosa oorlog.             

    Wanneer die boere uit was op kommando is hul vee geroof en hul huise afgebrand.

Ek haal die volgende aan uit die boek ‘’OP die Stormberge deur Hennie Aucamp.’’

    ‘’En in dié dae het ook die Stormberge sy helde gehad. Manne wie se stryd nie  minder heldhaftig was

    as die van ‘n Retief,’n Uys of ‘n De Wet nie, maar wie se name vergete lê in ‘n klein wêreldjie tussen

    die rotskoppies. So ‘n man was Veldkornet Johannes Albertse. Dapper krygsman op die voorpunt van

    elke geveg, siel van die stryd, onvermoeide leier, later ‘n eensame vegter op die berge.                                                                                                     

    Veldkornet Albertse, so het die Grahamstown Journal berig, is nog die enigste boer op die berge.

    Hy het alles in sy vermoë gedoen om sy mense om te praat om nie te trek nie, maar tevergeefs….

    en wat anders kon hulle doen?

    Die boere in die veldkornetskap Stormbergspruit het in hom ‘n skild en beskermer gesien.

    Tot op daardie noodlottige Sondag toe ‘n groepie boere onder sy leiding ‘n paar Tamboekies die berge

    In gevolg het.Terwyl Albertse nog onder was , het sy broer per ongeluk ‘n rotsstorting bo-op die koppie 

    veroorsaak en ‘n rots het hom noodlottig teen die kop getref.”

    Hy was slegs 34 jaar en 10 maande oud.

Bygevoeg deur Johan Albertse