Sogneprest Agathon Bartholomæus Bartomoleus Hansteen

Agathon Bartholomæus Hansteen (23. september 1812–30. april 1895) var ein norsk politikar, ordførar og stortingsmann.

Hansteen vart fødd i Moss, faren arbeidde i tolletaten. Han gjekk ut frå Kristiania skole i 1830 og tok ex. phil. året etter, før han tok teologisk eksamen i 1836.

Den 25. oktober 1837 vart Hansteen adjunkt i Trondheim. Han vart utnemnd til sokneprest i Mo i Rana den 17. august 1843 og ordinert same året. Den 18. september 1852 vart han prost i Nordre Helgeland prosti. Hansteen var kjend som ein mild og lite autoritær prest. Lensmannen i Mo i Rana omtala han som ein «i enhver henseende begavet prest, en rettlinjet karakter og en interessert kommunemann».

Hansteen var ordførar i Rana i fire år og sidan stortingsrepresentant i 1851 og 1854. Han døydde i 1895, 83 år gammel.

Hansteen vart første gong gift den 7. august 1844 med Adolphine Frederikke Dreyer (1820–1845) og deretter med Alette Schjelderup den 25. februar 1852.

http://ara.no/info/nynorsk/Agathon_Bartholom%C3%A6us_Hansteen