Karel Frederik Christoffel Geere

Sterfkennis: https://www.familysearch.org/ark:/61903/3:1:3QS7-99LW-V96G-M?cc=304...

MyHeritage profiele beweer sy presiese geboortedatum is 3 September 1811. Sy getelde jaar en maand (geen dae aangedui) bring mens egter by 1809 uit. Miskien 3 September 1809?

Sien opskrif "Carel Geere" by https://ruralexploration.co.za/Koppies.html (soos op 2020-06-09). Dit was vir daardie tyd 'n uitsonderlike ouderdom om te bereik en dan nog onder sulke omstandighede.

Sy halfsuster, Anna Maria Bezuidenhout, b6c5 is eers met 'n Bezuidenhout getroud ('n broer van die Slagtersnek Bezuidenhouts). Na sy afsterwe is sy getroud met 'n Botha en is saam met hom op Louis Tregardt se trek, wat in sy dagboek na haar as Antje Botha verwys. Haar gedrag en veral die van haar dogter Hendrina Bezuidenhout maak interessante leesstof. Tregardt beweer dat Carel en Antje se pa "onegte" kinders gehad het, alhoewel Antje nie een van hulle was nie. Carel se status is onbekend, maar as laasgeborene waarskynlik wel binne-egtelik. Inderdaad 'n onkonvensionele familie.

David Abraham Swanepoel.