Margreta Lauritsdatter

Erfjordboka side 1045

Ola Knutsen (ukjent opphav, men hadde jordegods i Hjelmeland, og ætta truleg derifrå), truleg f. på 1530-talet, d. før 1600, g. I. ca. 1560 m. Margreta Larsdtr. øvre Bjørheim, Strand f. o. 1540 d. på 1570-talet (1545-1596 etter "Folk i Strand 1 s 458), g. II. m. enkja Guri Sebjørnsdtr. Talgje, Sjernarøyane d. o. 1616-17. Margreta og Ola kom til Håland seinast 1578. Dei kan då ha kome rett frå Nedre Fevoll i Hjelmeland, eller dei kom frå Fevoll via garden Hovda (på Randøynå?).

Margreta og Ola sine born:

• 1. Dotter NN g. m. Finn Toresen på Nedre Fevoll i Hjelmeland.
• 2. Lisbet, omtala i ei sak om Fevoll 1664, då nemnd å ha budd på Ombo. Ho hadde truleg ikkje etterkomarar.
• 3. Lars (f. o. 1570), sjå nf.
• 4. Magnhild Olsdtr (?) Det har vore gissa på at mor til Lars Asgautsen på Jørstad (f. o. 1590) var dotter av Ola Håland. I så fall var og mor til Tore Hamra ei av døtrene hans. At desse to var systrer kjem fram i ei sak om retten til Hamra i 1673, som mellom anna går på kven av dei to systrene som var eldst. Ola Larssen Håland var kalla inn som vitne, men visste ikkje å svara. Viss dei var systrer til far hans, burde han då ha visst kven av dei som var eldst? I 1624 finn vi at Lars Asgautsen på Jørstad åtte både 1/2 l. sm. i Nedre Fevoll og 3 mrk. sm. i Hovda (forutan 1/2 l. sm. i Hamra). Hovda her var truleg Hovda på Randøynå (Fister), der det lenge var ei mindre bondeeiga på 1 p. og 8 mrk. sm. Dette kan sjølvsagt ha vore gods Lars Jørstad hadde etter ein mogeleg morfar, Ola Knutsen Håland. Lars Jørstad åtte og på eit tidspunkt gods i Håland (selde 1/2 l. sm. til Ola Larssen Håland i 1658). Tore Hamra hadde for sin del odelsretten til 1 p. sm. i Håland. Denne retten kjøpte Ola Håland i 1650 av Ivar Norheim og Hallvard Hamra, svigerson og son til Tore Hamra. Under Hamra vert det vist at dei to systrene var døtrer av rydningsmannen på Hamra, og såleis ikkje av Ola Knutsen på Håland. Ein mindre del av Håland fylgde likevel frå gamalt av slekta på Hamra utan at det var (nær) slekt, og utan at ein kjenner bakgrunnen for dette nærmare. Hamraslektå kan for den del gå attende til ætta på Håland før Ola Knutsen kom.