Anna Catharina Elizabeth Lottering, b6c4d2e2

SAF 2018, met nota:

Jacobus Arnoldus Francois (Wilde Koos) * 18.10.1816 ≈ Cradock 19.11.1816 x huwelikshof, Colesberg 2.9.1838 Anna Catharina Elizabeth SWANEPOEL, met vrou en 5 kinders op pad na Inhambane vermoor.

Dis nie bekend waarom haar man as Wilde Koos bekend gestaan het nie, sy broer was Wilde Frans. Mits kinderverwekking na die huwelik begin het en met spasiëring van 2 jaar, kan mens aanneem dat sy na 1850 oorlede is op 30+ jaar. Die presiese datum van die moord en dus hulle sterftes is nie bekend nie en ook nie die name van die kinders nie. Volgens Wikipedia is die nedersetting te Delagoabaai na 1850 herbou omdat plaaslike stamme dit verwoes het. Daar kon dus onrus in daardie tyd gewees het, maar dit sal deur behoorlike historiese navorsing bevestig moet word. Die 2 jaar beginsel hou ook nie altyd water nie en vroeë sterftes en meerlinge kan 'n invloed uitoefen.

SAF 2018 bevat die volgende waarskuwing oor die van Lot(t)riet/Lottering: “Hierdie familie-register was opgedateer in 2014 met ‘n nota van die samestellers dat daar “heelwat teenstrydighede” in díe register is. Hierdie (2018) register bevat slegs enkele opdaterings van datums van die 2014 weergawe met geen grootskaalse veranderinge in die struktuur of koppelings van die vorige register weergawe nie. Die 2018 register mopet dus ongelukkig ook deurgegee word met dieselfde opmerking dat daar moontlik treenstrydighede mag wees. (Andrew Dippenaar, Samesteller SAF 2018).”