Claus von Wettberg, zu Sandel und Hauküll

Claus von Wettberg zu Sandel und Hauküll, Ösel. Knight of the Livonian Order under Grand Master Wolter von Plettenberg.

Killed in battle with Russian troops in Jõhvi parish* (kerspele to Gheve) 13/09/1501 following the Battle of the Siritsa River 27/08/1501.

*) Possibly in vicinity of the stronghold Järve mõis (Türpsal, 59°24'32" N 27°18'19" E) that belonged to Clawes Weddewes who was killed in the same incident (see below).

13/09/1501, Narva: Vogt zu Narva an Reval fordert sie, indem er von einer verunglückten Expedition nach Russland meldet, auf, sofort Volk nach Narva abzusenden:

Den ersamen wolwiszen und vorsichtigen borgermeistern und radtmannen der Stadt Revell, mynen beszundern gunstigen leven guden vrunden.

Mynen fruntlicken groith und alle gudt stedisz tovoren. Ersamen wolwiszen und vorsichtigen, besunderen leven guden ghonner und vrunde. Juwer wolwiszen vorsichticheit geleve to weten, dat de Stadt und raidt van der Narwe mythsampth den guden mannen, de ym kerspele to Gheve tor malve leghen myth den eren avereynqwemen, dat se wolden avertasten yn Ruszlande. Szo syn de vorberorden erbaren guden manne myth mynen deneren am avende des hilligen crutzes vorhevinge baven dem Valle avergetaghen yn Ruszlande, und de borgher uth der Stadt myth erer macht benedden der stadt. Und syn van beyden parten myth den Russzen swarlicken to handtgrepe gekamen, alszo dat de unszen worden van den Ruszen gedrunghen, alszo dat ick eynen guden man myth welken deneren verloren hebbe und darto van der ridderschop 4 gude manne myth ñamen Clawes Weddewes, Clawes Wedtberch, Jorden Loeden und Johan van dem Brame myth welken knechten. Darto syn de borgher gesweket myth eren ynwonereu und ynth meyste vorslagen. so dat de Stadt alle, Gade enthfermeth, blodt und woeste steydt. Na sodanen vorlope und slatinge, de gesehen, isz myne gantz andechtige truwe vlitige bede to juwer vorsieh ticheiden de myth dem besten darupp willen trachten und juwen hogisten vlith ankeren, dat gie sunder vortoch volk und lude yn de Narwe schicken, szo verne gie und i de gemeyne koepman dusszen orth und der Narwe vormenen to gebrukende und nicht affhendich sali werden. Ick leth ock dem koipmanne am latisten umme hulpe vormaninghe doen, dar wolden sze my yn korth eyn anthwerth upp vorwitlicken; dar hebbe ick ock noch nicht eyn anthwerth van. Bidde derhalven juwe vorsichticheiden hirynne dat beste wille vorthsetten alszo gie unszem werdigen orden gewandt syn. Wenthe de Russzen stareken sick van daghe to daghen und szo wie hir nicht gestareketh werden, were to befruchten, dussze gantze orth to nichte qweme. Und bidde dusszes eyn vortrostlick anthwerth by dusszen bowiszer van juwer aller wolwiszen vorsichticheiden, denn ick woll solde schriven tidinghe van unszem erwerdigen hern meister und den landen, darvan ick sunderlickes nicht weth to schriven, besunder dat he aver de Modda gekamen isz. Wo idt furder darumme isz, kan ick nicht egentlick schriven juwen vorsichticheiden, de ick Gade almechtich salich and geszundt to synen godtlicken denste bovelen. Geschreven tor Narwe am avende crucis im 1500 und 1 jar.

Vagedt tor Narwe

Liv-, Est-, und Kurländisches Urkundenbuch, Part 2, Volume 2, pp 110